У бальніцу хуткай дапамогі Мінска трапіў пацыент з інсультам. Хто ён, медыкам высветліць не ўдалося, але ўдалося спецыялістам з Дзяржкамітэта судмедэкспертыз, расказалі ў прэс-службе ведамства.
У прыёмнае аддзяленне бальніцы хуткай дапамогі ў Мінску самастойна прыйшоў пажылы мужчына — яму патрабавалася дапамога. З прыёмнага пакоя ён трапіў у рэанімацыю: дактары дыягнаставалі ў яго інсульт.
Дакументаў пры ім не было, а пра сябе ён не мог расказаць праз інсульт, які парушыў функцыі маўлення.
«Страта маўлення падчас інсульту — ускладненне небяспечнага захворвання, якое даволі часта сустракаецца ў выніку перанесенага прыступу вострага парушэння мазгавога кровазвароту. Такі стан называецца афазіяй: чалавек не можа выказваць свае думкі, адчувае цяжкасці з вымаўленнем словаў, не можа назваць нават простыя прадметы», — патлумачыла начальніца ўпраўлення судова-медыцынскіх экспертыз упраўлення ДКСЭ па Мінску Святлана Гарэлік.
Асобу мужчыны ўдалося высветліць дзякуючы дактыласкапіі. Падчас праверкі атрыманых адбіткаў пальцаў высветлілася, што яны супадаюць з адбіткамі 69-гадовага пенсіянера. Дзякуючы гэтаму ўдалося знайсці яго сваякоў і расказаць ім пра тое, што здарылася.
Мужчына па-ранейшаму знаходзіцца пад наглядам дактароў.