Супрацьтанкавыя вожыкі і бетонныя загароды. Польшча ставіць умацаванні на мяжы з Расіяй і Беларуссю

23 лютага 2023 у 1677166680
«Зеркало»

Польшча ўзмацняе меры бяспекі на мяжы з Беларуссю і Расіяй. Пра гэта паведаміў 23 лютага міністр нацыянальнай абароны Польшчы Марыюш Блашчак у Twitter.

Супрацьтанкавыя «вожыкі» на мяжы Польшчы. 23 лютага 2023 года. Фота: twitter.com/mblaszczak/

«Мы пачалі папераджальнае ўзмацненне бяспекі на мяжы з Расіяй і Беларуссю. Гэта частка нашай стратэгіі абароны і стрымлівання. Першыя ўмацаванні ўжо разгорнутыя на мяжы з Калінінградскай вобласцю», - напісаў Блашчак у Twitter.

Нагадаем, летась Польшча пабудавала на мяжы з Беларуссю плот вышынёй 5,5 метра і даўжынёй 186 кіламетраў. Прычынай гэтага стала рэзкае павелічэнне патоку мігрантаў з краін Блізкага Усходу.

Пасля гэтага каардынатар польскіх спецслужбаў Станіслаў Жарын заявіў, што цяпер польская мяжа - самая абароненая ў Еўропе, а незаконны ўезд у краіну з боку Беларусі цалкам заблакаваны.

Чытайце таксама